燒肉牛蔵 (已結業)

香港人在疫情下真係悶到發癲🤯注意個人衛生消毒做足嘅情況下...終於今日去抖抖氣去咗I Square IMAX睇小丑女🎥買好戲飛梗係去醫肚啦！隔離就有好西，係牛藏呀！有日式燒肉放題亦有午餐set...見人唔多仲有獨立卡位，喺呢個時勢真係一個好選擇！Lunch放題兩個半鐘頭任飲任食，真係大把時間慢慢嘆...地方勁闊落卡位好舒適，環境💯分。刺身頭盆勁新鮮，尤其是油甘魚同海膽特別正👍🏽海鮮頭盆有海蝦，蠔，原條喜之次，帶子...全部都有水準👍🏽條魚燒完好鮮甜...個人推介！和牛頭盆，鍾意食牛真係流晒口🤤🤤熱門就梗係和牛胸腹啦～但我最愛都係和牛西冷🤩🤩牛味濃又有口感！和牛肉眼較淋身好香口！和牛牛筋肉嘅肉質比較硬實所以有咬口！食完3個頭盆，再叫咗烏冬，麵豉湯，天婦羅，燒雞翼，燒菠蘿🍍汽水🥤清酒🍶甜品🍮雪糕🍦雪條....飽到唔識郁🤭🤭值得一提，烏冬貌似平平無奇，但真係超幼滑，湯底又好味！🆙🆙