和氣食堂 (河畔花園)

营业中

休息中

難得黎開河畔花園，探完個好朋友之後一定要落嚟和氣食堂食飯，之前試過同朋友食完一次之後，覺得佢嘅CP值超高，份量又大，食物有高質素，所以次次過親嚟都會落嚟食飯。好彩咁岩唔係好多人，等左一陣位就有位入去。叫咗個軍艦五點，又係我嘅至愛，我基本上一個人可以食晒五件，佢個蟹膏帆立貝真係不得了，帆立貝好新鮮。呢排食得滯滯地，叫咗個香芒鴨胸沙律，分量大啲，生菜好新鮮，啲芒果勁甜，食完呢個好開胃。最後叫咗個黑豚肩燒丼，最愛食佢哋嘅日本米，啲黑豚肉燒到啱啱好，配上獨家燒汁，味道一流。