影片
更多
2013-08-18
189 浏览
陳生早前申請咗張和民信用卡，咁啱生日月份有減$60折扣，同埋本身用卡有95折，咁抵！一於專程入黄埔試試。（利申：和民嘅粉絲）睇完張家輝套「激戰」呢套近期最好睇嘅戲，都想食餐靚晚飯為星期六劃上完美嘅句號。由於唔係太肚餓，我地主要係點小食之類充當晚餐。******************************法式焗蒜香帆立貝($58)蒜香味幾香口帆立貝及花菇各6粒帆立貝體形小巧，帶點蒜香，味道不算出色花菇切粒，幾彈牙牛肉沙津牛肉過熟，狀似9成熟，上菜時牛肉已冰冷沙津有紅椒､黄椒､西蘭花同平時嘅沙律菜，幾豐富食沙津就係想清清淡淡健健康康，但有一兩件牛肉過肥！有點本末倒置，太多肥膏不敢食用和風照燒雞PIZZA﹣6吋(＄38)必食PIZZA！有點和民薯仔PIZZA嘅影子，都係好香沙津醬味！PIZZA薄薄的，烤得非常香脆可口！鋪面嘅紫菜､沙津醬､雞肉完美地結合在一起！好好味！我的最愛！意大利風薄切盛合($68)唔推介，劣作一碟只有三文魚同帶子刺身合格，有點出水青口凍冰冰，熟到老，冇咗本身嘅鮮味，喺百佳買自己煮嘅青口仲好味鱆魚冇味，陰公成碟嘢淋咗兩三隻汁扮意大利風味，但彌補唔到成碟嘢係劣作嘅事實A
陳生早前申請咗張和民信用卡，咁啱生日月份有減$60折扣，同埋本身用卡有95折，咁抵！一於專程入黄埔試試。（利申：和民嘅粉絲）
睇完張家輝套「激戰」呢套近期最好睇嘅戲，都想食餐靚晚飯為星期六劃上完美嘅句號。
由於唔係太肚餓，我地主要係點小食之類充當晚餐。
******************************
法式焗蒜香帆立貝($58)蒜香味幾香口
帆立貝及花菇各6粒
帆立貝體形小巧，帶點蒜香，味道不算出色
花菇切粒，幾彈牙
牛肉沙津牛肉過熟，狀似9成熟，上菜時牛肉已冰冷
沙津有紅椒､黄椒､西蘭花同平時嘅沙律菜，幾豐富
食沙津就係想清清淡淡健健康康，但有一兩件牛肉過肥！有點本末倒置，太多肥膏不敢食用
和風照燒雞PIZZA﹣6吋(＄38)必食PIZZA！有點和民薯仔PIZZA嘅影子，都係好香沙津醬味！
PIZZA薄薄的，烤得非常香脆可口！
鋪面嘅紫菜､沙津醬､雞肉完美地結合在一起！好好味！我的最愛！
意大利風薄切盛合($68)唔推介，劣作一碟
只有三文魚同帶子刺身合格，有點出水
青口凍冰冰，熟到老，冇咗本身嘅鮮味，喺百佳買自己煮嘅青口仲好味
鱆魚冇味，陰公
成碟嘢淋咗兩三隻汁扮意大利風味，但彌補唔到成碟嘢係劣作嘅事實
APPLE CIDER ($18)以冰杯上，味道清甜，唔錯
******************************
還好，KITCHEN J都過得去，不過個人覺得和民比較好食同抵食！
減咗$60再95折後全單$208。
张贴
