SENSU (已結業)

之前去咗隔離，由周杰倫朋友開嘅J Pot，先知道同一層仲有另外兩間餐廳，夜晚仲有Live Music表演，所以就搵咗另一日番去試下呢間餐廳呢到由下午5:30開始，就會供應呢個小食九宮格拼盤，故名思義，姐係有九款唔同嘅小食，包括有炸豆腐配醋汁、脆炸鱔乾、鹽漬昆布沙律、櫻花蝦餅、A5和牛牛肋條、A5和牛迷你漢堡、A5和牛芝士春卷、A5和牛壽司及海膽馬鈴薯沙律。個人特別鍾意A5和牛迷你漢堡，麵包微微脆口，而牛肉漢堡有少少牛香，尚算多汁，質感都唔錯；另外脆炸鱔乾都有驚喜，其實佢係細條嘅鱔骨黎，非常硬脆香口，帶少少甜味，感覺同啤酒好夾。而A5和牛壽司就略厭有啲薄身，食落都唔係太重牛香，但係肉質係好嫩嘅。而九宮格仲伴隨一杯無酒精雞尾酒，我同朋友就揀咗Mid-Summer，顏色望落好啱夏天飲，主要菠蘿、薄荷、蘋果同玫瑰，飲落幾清新，帶水果嘅甜味之後仲另外叫咗一個晚市套餐，前菜分別有新鮮田園沙律同是日餐湯，而餐湯係燉牛肉湯，湯味好濃郁，牛肉都燉到好軟腍，唔錯主菜方面就揀咗蕃茄醬貝殼粉配意大利水牛芝士黎Share，外觀就無咩特別花心思，不過味道係幾好，仲加入咗好多蔬菜，整體感覺好健康，水牛芝士份量可以再