影片
更多
2011-04-25
16 浏览
尖沙咀赫德道新開左一幢飲食大廈The Hart. 雖然只得三家食肆,但特式係有露台位,最適合吸煙人仕. 我當然唔係鼓吹吸煙,只不過如果有朋友食煙又想食飯都可以考慮呢度. 和幸日式燒肉正店係銅鑼灣,上次去過都唔錯. 所以今次對佢分店和幸吧都有信心. 一入去有節奏強勁音樂,完全似酒吧感覺,不過又未至於嘈到講唔到野. 服務員都係年青男女,好明顯客戶對象係年青人,岩我,哈哈!! 食物質素好,而且價錢經濟,服務有禮,值得推介.....不過記得有強勁音樂喎!!!炸芝士 - 佢用既唔係一般cream cheese,唔知係邊種,總之好食啦!! 我地食時已凍,放係爐上再燒一陣,d芝士溶左勁好味!!! 炸雞軟骨 - 由於燒肉要時間,朋友又肚餓,只好叫d小食頂住先. 炸得唔油膩,味道都可以,ok. 牛肋肉 - 又腍又有肉味,十分好食. 即刻要encore!! 厚切牛舌 - 相比伊呂波咁當然就差少少喇,不過都爽口. 鹽燒鴨舌 - 我本來以為係熟食,因為咁細條好難燒,但點知要自己燒. 原來一d都唔細,而且係幾大條添!! 但都係勸大家唔好燒,因為真係有少少難度,而且又冇咩肉.雞翼 - 佢切開一半俾你易d燒,幾細心
炸芝士 - 佢用既唔係一般cream cheese,唔知係邊種,總之好食啦!! 我地食時已凍,放係爐上再燒一陣,d芝士溶左勁好味!!!
炸雞軟骨 - 由於燒肉要時間,朋友又肚餓,只好叫d小食頂住先. 炸得唔油膩,味道都可以,ok.
牛肋肉 - 又腍又有肉味,十分好食. 即刻要encore!!
厚切牛舌 - 相比伊呂波咁當然就差少少喇,不過都爽口.
鹽燒鴨舌 - 我本來以為係熟食,因為咁細條好難燒,但點知要自己燒. 原來一d都唔細,而且係幾大條添!! 但都係勸大家唔好燒,因為真係有少少難度,而且又冇咩肉.
雞翼 - 佢切開一半俾你易d燒,幾細心! 燒雞翼實冇閃失啦!!
韓汁辣蝦 - 少少辣,蝦都大隻同幾鮮甜,唔錯. 因為蝦已經去殼,所以好快燒熟有得食喇!!
免治雞肉雞軟骨 - 有個醬汁同鵪鶉蛋跟埋. 服務員教燒到有微焦就點醬汁繼續再燒多一定. 果然又真係幾好食喎!!
粟米 - 超甜!!!! 正呀!!
和牛飯團 - 自己燒又幾好玩喎!! 我地好比心機燒,所以十分焦香但唔會焦黑!! 但和牛碎較鞋,下次都係叫普通好喇,平十蚊呀!! 张贴
