影片
更多
2021-03-12
79 浏览
和富道一向多美食，之前幫襯過「和富 Worfu」地庫嘅 Food Court，最近發現原來地下都開左幾間新食肆，今次就先試下呢間「冰室 99」。餐廳嘅門面好開揚，開放式門口，配以啡木檯櫈，裝潢簡潔，氣氛怡人，令人不自覺地放鬆。其實頭先喺門口已經睇左餐牌，所以坐下後便可以點餐。餐牌上嘅食物，選擇都幾豐富，有精選扒餐、懷舊鐵板餐、農夫包馬來咖喱、蛋包飯、丼飯、雞蛋仔、甜品、飲品，另外亦有幾款晚市套餐供應。 我哋點左個晚餐：雙層和牛芝士漢堡溫泉蛋丼飯 ($118)、一客咖喱雜菜煎蛋配農夫包 ($56) 同 兩款雞蛋仔。雙層和牛芝士漢堡溫泉蛋丼飯：套餐奉送餐湯，咖啡或茶。是日餐湯為忌廉湯，湯內混了不少切碎左嘅西蘭花粒，忌廉味不太濃，口感不俗。丼飯以一隻闊口嘅大湯碗盛上，漢堡扒非常厚身，一共有兩大塊，肉質軟嫩，煎至微焦，入口帶啖啖油脂香，加上面層被半溶的芝士緊緊包裹住，一咬落去肉汁同芝士即時唧哂出嚟。戳破面頭的溫泉蛋，橙黃色嘅蛋汁緩緩流出，入口蛋香十足，拌飽滿的米飯吃，口感一流。食完嘆番杯香滑嘅咖啡，好正！咖喱雜菜煎蛋配農夫包：農夫包即點即焗，麵包外層非常香脆，包心鬆軟，食落帶少少煙韌，好有咬口
餐廳嘅門面好開揚，開放式門口，配以啡木檯櫈，裝潢簡潔，氣氛怡人，令人不自覺地放鬆。
其實頭先喺門口已經睇左餐牌，所以坐下後便可以點餐。餐牌上嘅食物，選擇都幾豐富，有精選扒餐、懷舊鐵板餐、農夫包馬來咖喱、蛋包飯、丼飯、雞蛋仔、甜品、飲品，另外亦有幾款晚市套餐供應。 
我哋點左個晚餐：雙層和牛芝士漢堡溫泉蛋丼飯 ($118)、一客咖喱雜菜煎蛋配農夫包 ($56) 同 兩款雞蛋仔。
雙層和牛芝士漢堡溫泉蛋丼飯：套餐奉送餐湯，咖啡或茶。是日餐湯為忌廉湯，湯內混了不少切碎左嘅西蘭花粒，忌廉味不太濃，口感不俗。
丼飯以一隻闊口嘅大湯碗盛上，漢堡扒非常厚身，一共有兩大塊，肉質軟嫩，煎至微焦，入口帶啖啖油脂香，加上面層被半溶的芝士緊緊包裹住，一咬落去肉汁同芝士即時唧哂出嚟。戳破面頭的溫泉蛋，橙黃色嘅蛋汁緩緩流出，入口蛋香十足，拌飽滿的米飯吃，口感一流。食完嘆番杯香滑嘅咖啡，好正！
咖喱雜菜煎蛋配農夫包：農夫包即點即焗，麵包外層非常香脆，包心鬆軟，食落帶少少煙韌，好有咬口。雜菜份量非常多，有紅蘿蔔、薯仔、番茄、洋蔥、西蘭花、豆角等，全部都煮得啱啱好，保留了蔬菜入面嘅營養。咖喱汁亦做得好有誠意，濃香可口，辣勁十足，用外脆內軟嘅農夫包點嚟食，別有一番風味。
雞蛋仔揀左千島三文魚 ($68) 同 雪糕鮮果 ($58)。兩款雞蛋仔都烘得好有水準，三文魚鹹香油潤，配上酸酸甜甜嘅千島醬，鹹鮮開胃，夾埋脆卜卜的雞蛋仔吃，味道充滿層次。
至於雪糕鮮果嗰款，食味亦不俗，雞蛋仔即叫即烘，入口外脆内軟，蛋心極綿密，幾乎沒空位，可見用料十足。面頭的雲呢嗱雪糕，質地奶滑，配香脆的雞蛋仔吃，冷熱交融，確實能夠俘虜人胃口。
张贴
