影片
更多
2018-07-25
312 浏览
近年喺香港嘅丼飯專門店，越開越多，雖然未至於好似 7-11 咁，梗有一家喺左近，但為數亦不少。講真，每次見到新鮮肥美的魚生刺身，滿滿地鋪在丼飯上，都會忍唔住口，想立刻大啖大啖把它消滅。上星期去尖沙咀食泰式船麵，臨走時聽鄰桌的食客提到棉登徑附近開左間「嵐橋丼飯專門店」，據說餐廳主打空運直送刺身食材，趁這天在尖沙咀活動，就順道過來光顧。店子其實係位於棉登徑與白蘭軒道交界，到埗後，發現原來餐廳非常旺場，幸好輪候時間亦未算太久。踏進內，地方不大，進門左手邊設有三張吧檯位，而右手邊就以可自由組合的木餐桌為主，牆身上髹了一幅魚兒的手繪油彩壁畫，色彩斑斕奪目，非常吸睛，襯托著天花的鯉魚旗，為裝潢添上和風色彩。 拿起店員遞上嘅餐牌，丼飯一共有 14 款，以海鮮為主，食材大部分都係由日本直送，定價由最平嘅 $148 到 $278 不等，另外亦有刺身、關東煮及串揚等可供選擇。先每人點個丼飯，揀左特選鐵火丼 ($198) 同三文魚親子丼，隨丼飯會附上味噌湯一碗。趁熱馬上呷一口，味道合宜，鹹鮮有致，加上湯入面放了豆腐、昆布和蔥花等，飲落既鮮甜又帶點青蔥的香味。至於特選鐵火丼，材料就有中拖羅管 5 切、赤身
店子其實係位於棉登徑與白蘭軒道交界，到埗後，發現原來餐廳非常旺場，幸好輪候時間亦未算太久。踏進內，地方不大，進門左手邊設有三張吧檯位，而右手邊就以可自由組合的木餐桌為主，牆身上髹了一幅魚兒的手繪油彩壁畫，色彩斑斕奪目，非常吸睛，襯托著天花的鯉魚旗，為裝潢添上和風色彩。
拿起店員遞上嘅餐牌，丼飯一共有 14 款，以海鮮為主，食材大部分都係由日本直送，定價由最平嘅 $148 到 $278 不等，另外亦有刺身、關東煮及串揚等可供選擇。
先每人點個丼飯，揀左特選鐵火丼 ($198) 同三文魚親子丼，隨丼飯會附上味噌湯一碗。趁熱馬上呷一口，味道合宜，鹹鮮有致，加上湯入面放了豆腐、昆布和蔥花等，飲落既鮮甜又帶點青蔥的香味。
至於特選鐵火丼，材料就有中拖羅管 5 切、赤身 2 切、蔥花吞拿魚蓉、鵪鶉蛋、蔥、炸蔥同京蔥絲等。中拖羅雖然無大拖羅咁肥美，入口即溶，但肉質軟滑又夠厚身，食落魚香豐富，而赤身亦鬆化可口。吞拿魚蓉超鮮甜，入口勁甘香，加埋隻鵪鶉蛋落去撈勻，質感更加滑溜。飯選用日本米，粒粒飽滿，夠黏糯，入口濕潤，醋味恰到好處，能吃到飯香。
接著輪到品嘗三文魚親子丼 ($148)，丼飯材料除左有大大片的三文魚外，還有三文魚籽、三文魚粒、松子仁、京蔥絲同青蔥等。三文魚同三文魚籽用秘製醬油醃過，食落不死鹹，反而帶少少回甘。米飯質地非常軟熟，入口富米香，加上微溫的熱力令三文魚的油脂滲入米飯中，配以新鮮三文魚籽，每一口都鮮味滿瀉。
既然一場嚟到，也點一些日式串揚同關東煮試試。「串揚」其實是沾上炸漿油炸的炸物串，呢兩款係廣島蠔 ($28) 同日本蓮藕 ($20)，廣島蠔即叫即炸，上桌時仍熱燙燙，輕輕咬開薄脆的麵衣，蠔身既飽滿又爽甜，非常多汁；而蓮藕粉漿亦夠薄夠脆，食落酥香可口。
關東煮揀左油揚 ($18) 同炸魚餅 ($25)，油揚吸滿了湯汁，入口充滿鮮甜味；魚餅質感爽彈，一口咬下，湯汁溢出，非常滋味。
回家後聽朋友講先知，原來餐廳做緊 Promotion，其中 2 款丼飯：包括極上吞拿魚腩丼同北海蟹丼做緊半價優惠，不過優惠期只係去到 8 月 9 號，而且仲要係逢星期一至四，6 點至 7 點半入座先有，咦！睇嚟仲趕得切喺優惠期完結前去食多次。
张贴
