結果今日我試左一間係西菁街既西餐廳。
個名幾得意
forever友緣西餐
餐廳門面端莊優雅，環境闊落。入到去後，更有驚喜
睇得出餐廳係裝修方面好闊佬，傢私選用高貴既款式，仲有高雅既吊燈。
我們大概點半入座，好彩地有窗口位坐，十分舒適
一坐底，店員很有禮貌地立即倒上一杯水及介紹餐牌。lunch set 大概100元，包餐包+湯+餐飲
未食之前，同男友講，淨係環境都覺得抵。哈哈！當然，成餐飯都係有驚喜的
不得不提，店員主動問我地會唔會慶祝某些特別節日，會既話，可為我們準備上甜品及寫上所要求既字
所以提下大家，如果係慶祝既話，可以試下book台時同店員講
可惜我地好坦白，是日的確無特別野慶祝
依家好少西餐廳有welcome drink,個人認為呢個環節係必須的！因此，又大大加分
飲住杯熱情果特飲黎唸食咩落完order後，好快地，遞上左什菌湯同蒜蓉包
野菌磨菇忌廉湯
飲既時候，每一啖都會食到細細粒既菇，感覺到真材實料。與此同時，菇味又唔會話太over，岩哂頂唔順太濃菇味既朋友
蒜包微暖，蒜蓉香慢慢地散發出黎，齒頰留香
牛叫左7成熟，切開後，見到顏色粉紅，唔錯！
另外脂肪分佈均勻。牛味足！
煎得唔錯，有鎖住肉汁，食落juicy
加10蚊可以揀意粉/飯！
我地揀左個意粉！意粉都好彈牙，煮得唔錯！
黑毛豬是我們今日最最驚喜既一個dish！
首先，煎得好好，原全鎖住肉汁，食落好嫩滑。特別既係，佢配上蘋果蓉，蘋果蓉清新香甜。令到個黑毛豬更加清新脫俗
畫上完美句號既係 大大杯既
green tea latte and almond latte.
綠茶味好濃郁，好香，平時飲既green tea latte,都要叫少甜。
但呢杯完全岩我：只有濃香既綠茶味，沒有糖水味
整體來講：
價錢相宜
黑毛豬必試
環境舒服高雅 (紀念日/特別日子必到)
