我要了一個有包+汽水+小食($46)的套餐, 包我選擇左最基本的freshness burger(和風肉汁鮮堡), 小食要和風薯角, 飲品加左$5轉鮮橙汁, 全部即叫即製, 侍應會送上套餐
我坐係open kitchen附近的檯, 睇住佢地雞手鴨腳地整食物, 等候左大約10分鐘, 套餐送到, 個包用上南瓜包, 味道無甚特別, 只係微暖, 牛肉只係比麥記厚些少, 肉汁亦唔多, 因為有肉醬夾在包內, 所以不致於太乾, 配上凍的厚番茄一片, 整體水準一般,
炸薯角唔知點和風法, 自稱係無反式脂肪, 係唔係都無從稽考, 我諗無人會為左無反式脂肪而來食野呀??!! 只係知道剛剛炸好, 但係炸得好乾, 唔好食, 而加$5的鮮橙汁係新鮮倒出來的Tropicana
Freshness burger比不上同類型的mos burger, 甚至麥記的至尊漢堡都比佢出色, 而且索價太高, 係荃灣區可算係唔合理, 價錢與水準不相稱, 呢個餐成$51, 我情願去老麥食兩次....起碼快而準同選擇夠多
