靚煲皇 (已結業)

去到旺角，四個人諗緊去邊度打邊爐，就去朗豪坊後面既靚煲皇火鍋餐廳打邊爐。我哋被安排坐戶外嘅位置，天氣唔太凍,大家都好舒服。餐牌上都有好多火鍋配料同埋小食選擇，隨即揀咗個古法烤魚。湯底有好多材料，味道係酸辣,飲一啖湯味道辣得黎又好香，而且非常足料。飲品方面，朋友們叫咗幾支啤酒，我就揀選左柑桔，可以清下熱氣暖暖胃,依度又唔會收好貴。火鍋配料方面，牛魔王的我們揀選左牛肉，食落去質感好林，牛嘅條紋好平均。有一位唔食牛嘅朋友就叫咗魚肉。味道都好鮮甜,不過浸太耐就會吸曬辣味除此之外，鵝腸都非常新鮮。食落都幾好咬口,又唔太肥膩,我地好快食曬成碟車乳雞好大隻，相當香脆，食落去好重雞味，非常香口。    豬肚用黎送酒唔錯,又唔會太肥膩,大家都好鍾意食食咗咁多野埋單都只係＄1000有找，每人平均消費＄200，價錢合理，而且火鍋配料非常新鮮，咁嘅價錢非常抵食。