's Tea 天上人間茶寮

营业中

休息中

尖沙咀新開張咗一間茶店，「天上人間茶寮 Apostrophe s Tea」，除咗有提供唔同靚茶飲，最欣賞依度現場會有茶藝師煮茗，為大家細心解釋各種茶飲嘅特色，仲有唔少得嘅靚靚打卡位俾大家捉膝詳談，所以大家買完飲品後可以揀Takeaway或者堂食，最靚嘅位置莫過於獨立中式VIP房同日式雅座，兩間頂別具心思。想隨時隨地嘆到靚茶，大家仲可以喺店舖內購買到茶葉、茶餅、以及‘s Tea自家製推出嘅精品茶具。今次就揀咗十二道純品茗系列嘅其中一款嘆下，嗰句：喝一泡，少一泡，難能可貴之選，帶出惜茶之道，令我幾期待佢會用咩茶具奉茶。福鼎高山白茶之王白毫銀針伴牛軋糖（單點$118），採用福鼎的大白品種茶樹之春茶茶芽為原料，取其嫩稍一芯一葉沖泡，茶色白如銀、形狀似如針，名符其實，隨着泡茶次數增加,沖泡時間也會相應延長。茶湯甘醇濃郁，呷一口慢茶，嚐一口小點，別具風味，茶香與牛軋糖的味道相得益彰，口感煙韌、不黏牙，齒頰留香。這樣的茶品搭配精緻的小點心，無疑是品茶時的絕佳伴侶。