凱施餅店 (已結業)

荃灣西餅店鋪林立，差不多每行一條街就會有1-2間係左右。不過每次想起買蛋糕都一定會去凱施餅店買。位於荃灣眾安街合眾大廈地下嘅凱施餅店位置便利，由荃灣港鐵站B1出口經過歇腳停沿天橋落去，全程大約步行4分鐘就到。每次屋企有人生日，我都會大力推薦凱施餅店嘅紐約芝士蛋糕。因為芝士蛋糕味道濃郁芳香，而且仲要做到蛋糕好厚實，咬落去唔會淋哂同埋好易溶，芝士味道係口腔徘徊不散，真材實料。加上蛋糕上面有幾粒紅莓係上面點綴，食嘅時候連埋紅莓一齊食會減低膩感。芝士蛋糕雖然真係好邪惡，但凱施餅店嘅芝士蛋糕會令人自動自覺一啖一啖咁品嚐😋😋😋😋紐約芝士蛋糕