麺処一家 (已結業)

呢間拉麵店非常適合選擇困難嘅人去食，湯底係濃厚豚骨魚介醬油而拉麵只有3款，分別係妹/弟/料理長之選擇。我叫呢碗係弟之選擇，有3塊火灸豬腩肉，紫菜碎、筍、生洋蔥粒同埋蔥花。湯頭豚骨味比魚介味強，唔會令你覺得愈食愈鹹，用上幼身拉麵，掛湯程度一般。豬腩肉用火槍燒過食起上黎比較香口，半肥瘦適中食3塊都唔會太油膩。筍絲爽口清甜有驚喜，整體味道還好，如果 附送半隻醬油玉子會更好。