更多
2019-04-27
250 浏览
我哋今晚去食生日飯,但係青衣城食夜晚嘅話好多餐廳出面都有好長嘅隊。我哋就揀咗呢間諗住試下越南料理, 雖然唔係好長隊但都等咗一段時間。 坐底我哋就嗌咗河內燒春雞、香茅黃薑飯、馬拉盞炒通菜、海鮮冬陰功湯同埋泰式魷魚粒炸蝦餅 。個湯好重芫茜薇,如果鍾意食芫茜嘅人應該會覺得好好飲,但係我麻麻地鍾意芫茜,只係覺得個湯ok,都食得出幾香香料味嘅。至於炸蝦餅就熱辣辣咁上好好食。通菜就同其他餐廳冇乜分別但份量有啲細份。燒春雞黃薑飯好香黃薑味,食落好好味,隻雞包住啲飯啲雞油滲咗落飯到,雞油同黃薑味好夾。但係最尾埋單要450蚊,對比其他價錢略貴。
张贴