水戶日本料理

营业中

休息中

今次四個人黎食，咁樣可以一次過試多啲野食。啲野食全部都黎得好快，放到成枱都係，基本上係頭10-15分鐘已經差唔多黎曬。根本未食得切，啲野食已經擺到凍曬，到食既時候味道已經差左好多。汁燒魷魚筒 $78好juicy，一啲都唔乾唔韌，而且份量都可以接受。沖繩泡菜豚肉鍋+烏冬 $62+$18有小小辣味，但又唔覺真係用泡菜滾既湯咁辣，同埋個鍋唔覺有泡菜。入面有豬肉片、金菇、冬菇、菜、粉絲。烏冬就另上，成個鍋味道其實好普通。日式炒野菜 $48好大碟，食極都好似食唔曬咁。真係好普通，一堆菜炒埋一齊，無咩特別。滑蛋豬扒飯 $68個飯好乾，啲汁唔夠。啲蛋唔滑，好老。豬排唔脆，無咩口感。唐揚一口雞 $34之前都有試過一次，今次啲雞無上次咁滑。而個沙律醬好辣，蓋過左啲雞味。煎餃子 $38蟹子沙律 $36蟹子好多，但勁少沙律醬，好乾，一啲都唔好食。炸天婦羅壽司 $24鰻魚壽司 $42黃金魷魚軍艦 $18蟹子軍艦 $16北寄貝壽司 $26三文魚壽司 $16自家玉子壽司 $16天婦羅蝦卷 $66四個人食左$700左右，都算平，而且食左好多野。