山頭火 (已結業)

原本周圍行睇下有乜日本嘢好食, 但有d都已經要等位, 見呢間都就快滿座, 又未試過, 所以不妨試一試, 而且比佢個名吸引咗, 都唔知叫"山頭火"定"火頭山".............門口係有一幅橫布, 搞到每個人客都要彎低身先入到去, 夠哂好禮......... 入到去仲有一列四人枱未坐, 但我地入咗去之後, 就不停有人跟住入, 一排十幾個位即刻滿坐, 而枱與枱之間只有一條小隙,,,,,,,,,,,,呢度應該係主打食拉麵, 但我地好貪心咁想一次試勻幾樣嘢, 所以叫咗2個定食, 咁就可以試到拉麵、飯、壽司...........落單之後我諗等咗十分八分鐘左右啦, 就開始嚟, 一盤咁上, 方便又整齊........ 壽司四件定食 2件帶子壽司+2件三文魚壽司 : 帶子同三文魚都好新鮮, 飯仔細細, 可以一啖一件 酸菜 : 係醃酸咗的椰菜, 味道適中 叉燒拉麵 : 選咗麵豉湯底, 味道非常濃, 頭幾啖會覺得好正, 但你會越食越kwok喉, 因為實在太濃味, 其實可以溝淡, 咁樣會好好多, 至於d拉麵, 好彈牙, 正~ 叉燒唔太肥, 只有一層肥膏响層皮下面, 但一d都唔覺得肥膩 燒三文魚親子定食