小雨天 (華都中心)

营业中

休息中

味道唔錯，但唔鍾意啲薯粉突然好想食酸辣粉，就上網揾下有無邊間好食。發覺荃灣都有好幾間網上熱推小店，但都唔就腳，就去左小雨天，相對較近地鐵站。下午茶有包野飲。由於第一次食，原來要去俾左錢落單先。唔敢叫太辣，只係試左小辣。由於下午茶時段，無乜人，好快有得食。碗麵一黎到有啲失望，好似清湯咁…以為上錯左，但趕時間就照食。🤔🤔食落味道都唔錯，啲腩肉雖然似白烚，但幾好味。食食下，原來啲肉碎同辣醬係碗底，下次食之前要「撈起」先🤣🤣但我唔係咁鍾意呢款薯粉，似係溝左澄麵嘅，唔係純夢粉。不過，$38算係咁啦，可以再試米線。