上海婆婆336 (荃新天地) (已結業)

荃灣哩間上海婆婆人流唔算多，座位唔迫，坐落幾舒適。果日個frd食咗鴨舌，醉雞，小籠包，燒賣，高力豆沙。麻辣鴨舌，味道似口水雞果啲辣味，但多咗份甜味，而且份量都算多，幾惹味，不過就愈食愈麻!花鵰醉雞酒味適中，雞肉好嫩滑，而且雞皮無肥膏，又係一道幾好味嘅菜！小籠包就有舊瓜墊底，以防包皮黐底，小籠包皮唔算厚，但亦唔算薄，肉汁量正常，味道OK。糯米燒賣就係燒賣皮包住啲糯米嘅點心，一籠5粒，雖然細細粒，但都幾滯。最後就食甜品，心大心細想食高力豆沙，但又想食南瓜餅，但食晒兩款又驚食唔落，所以最後就揀咗香蕉高力豆沙，外層軟綿綿，裡面有香蕉蓉同豆沙餡，但又唔會太甜。總括來講，我最鍾意食鴨舌，醉雞同高力豆沙。