十二味 (香港仔中心4期)

营业中

休息中

本身住南區，呢間新開後其實食過3次味道係ok的，但服務每次去都覺得愈來愈差忍唔住評價下地方唔大啲桌都迫得幾埋。水，牙籤，口罩套唔叫唔會有人俾你，就算叫人服務你都記得要一次過叫呀，唔係個呀姐會話你：「一次過講呀麻！」食食下塊隔板跌左落地係唔會有人幫你架，就算我地係5:30pm去，基本上完全唔係繁忙時間，啲呀姐會望住你自己執返塊板同佢痴返好。另外衛生問題，有個男人用塊好污糟嘅布係咁抺啲枱，抹完又用隻手去拎啲乾淨碗碟，其實啲呀姐都有抺。應該分開一個人抺桌，一個人放碗碟會衛生啲。老實講啲野食唔算平，仲要收加一但俾啲咁嘅服務，食物好食都補救唔到，何況又唔係真係好食到要受啲咁嘅氣，澳牛都無你咁大牌。奉勸大家如果唔想俾錢收氣就叫外賣啦。