影片
更多
2006-07-11
0 浏览
因為早前有食友send 左條link，有d Monday 用既coupon，昨晚(Monday) 就黎左呢度食。我先係打電話去book 檯，順便講聲我打算用呢張coupon 的，那時，佢話呢個優惠而家無做啦，但之後佢又話.. 等我問下先，我心諗自己resto 做緊咩promotion 都唔知？仲有唔肯定就唔好咁快答"無" 先啦，好唔professional。之後佢話，有呀，可以用架，咁佢話可以用，就算了。去到，o係正UA 隔離，環境唔係咁好咋播，唔及樓上香葉天好。咁我面前有2 位年輕既男侍應，我同我個fd 兩個企正o係他們面前，佢地兩個仲keep 住傾計，我望住佢地，之後其中一位才走過黎。之後我話book 左檯2 位，佢就帶我地去一張勁差既檯。我地坐低左，之後我同我個fd 講個位好唔掂喎，我話不如換啦，佢話好。之後我走左去counter ，有位負責安排檯既女侍應企左係度，咁o岩有個外藉人仕行埋黎問野，個女侍應好唔掂，完全唔知佢講咩，個女侍應即同隔離既男仕應講，我唔知佢講咩呀，之後個男侍應就解答個外藉人仕。咁我就問個女侍應，請問我可唔可以換檯呀，我想坐入面，之後，佢個樣好似咩都唔知咁..
去到，o係正UA 隔離，環境唔係咁好咋播，唔及樓上香葉天好。咁我面前有2 位年輕既男侍應，我同我個fd 兩個企正o係他們面前，佢地兩個仲keep 住傾計，我望住佢地，之後其中一位才走過黎。之後我話book 左檯2 位，佢就帶我地去一張勁差既檯。我地坐低左，之後我同我個fd 講個位好唔掂喎，我話不如換啦，佢話好。之後我走左去counter ，有位負責安排檯既女侍應企左係度，咁o岩有個外藉人仕行埋黎問野，個女侍應好唔掂，完全唔知佢講咩，個女侍應即同隔離既男仕應講，我唔知佢講咩呀，之後個男侍應就解答個外藉人仕。咁我就問個女侍應，請問我可唔可以換檯呀，我想坐入面，之後，佢個樣好似咩都唔知咁... 佢叫我問另一位男侍應。我覺得果個女侍應好似咩都唔識囉，同埋唔知佢做咩位架囉？！企在counter 應該係安排位啦，但又咩都唔知，唉~~ 之後個男侍應同我地講，入面既位(當時入面有60-70% 係空的) 全部都係book 左架。我心諗，我地夠係打左黎book 檯啦，點解安排張咁差既俾我地呀？而家客人要求轉檯，係咪咁都做唔到？唔可以將入面既2 人檯同我地果張對調咩？同埋我唔係太相信入面全部都係reserved 囉，如果係咁，佢地係咪拒絕晒所有walk-in 呀？好唔滿意囉。但係佢咁講我都無辦法，之後見出面都有d 檯，我就問咁出面得唔得呀？佢最後就安排左出面既一張檯俾我地，我地果陣諗，如果只係可以坐佢安排果張，我地會走囉。
換左去新果張檯，我個fd 同我講，頭先張檯有好大陣"人為氣味"，其實我果陣係嗅唔到，但我就好唔滿意個位，坐得好唔舒服。
之後坐低左，睇下menu，大家決定到食咩啦，再睇埋放在檯面上好覺眼既special drink，仲見到寫住happy hour buy 1 get 1 free ，咁就order 啦，先order 左泰式生蝦($78)、泰式燒雞($70)、原個椰青焗飯(好似$68)，同佢講用coupon，佢話而家無做呢個優惠架啦，咁我話book 檯時我問左你地，話可以用架播！之後佢話，其實無再做架啦，不過你book 檯時我地應承左你，所以會做埋俾你，但下次就無架啦。所以最後今次都有。之後再order 左一個芒果沙冰同士多啤梨沙冰，不過佢話個blender 壞左，我心諗，無就唔好放個special drink 既list 在檯上面啦。因為無，所以無叫啦。
先黎既係個生蝦，朋友話辣左d，我覺得一般啦，都唔算好辣，不過d 蝦肉唔新鮮，又唔爽，大家食左一隻時，兩個都話，早知去九龍城度食啦。果陣我先知，原來佢都想去九龍城，不過至衰係，九龍城唔係咁就腳。
食完生蝦，就到個燒雞上檯，個燒雞幾脆，但乾身左d，另外d 雞肉係完全無味的，全靠個sweet chili sauce 既味道，無醃過既雞真係唔掂。
再黎埋個椰青焗飯，一上檯好失望，賣相好差，可能係因為我食過上面香葉天既椰青焗飯啦，人地賣相同味道都滿分，但呢度.. 唉~~ 賣相唔得，味道又唔及人地好食，材料又少，得2 隻蝦、2 隻青口、2 條魷魚，咩都無，個飯尚算可以，好濃既椰青汁味道，不過材料勁少，味道同香葉天係差好遠囉。
好唔滿意呢度既service，尤其是果2 位後生既男侍應同埋蠢蠢年輕女侍應，有2 位年紀較長既男侍應service 就ok。
可從這裡看圖片：
http://hk.pg.photos.yahoo.com/ph/lamlamlee000/album?.dir=/98b1re2&.src=ph
张贴