麻辣風雲 (京都廣場) (已結業)

同朋友做完嘢，佢突然間話想食麻辣嘢，喺銅鑼灣嗰度行咗一陣見到有麻辣風雲就走咗去試吓，其實佢個地點都幾方便，響地鐵站行過去兩三分鐘就到。我哋係食晏嘅時候過去嘅，人都唔少，好彩我哋早啲去到有位坐。首先基本嗌咗個酸菜魚，份量比想像中多，湯嘅味道都好香，辣味亦都唔錯，性價比高。跟住佢叫咗個菊花蜜，開頭嚟到我仲以為有酒飲添，味道都唔錯，偏向清淡啲，同埋放出嚟都幾好睇。仲有一個辣子雞，食落都幾有口感，麻辣得來雞味都響度，都係一個唔錯嘅選擇。跟住叫咗一個荔枝蝦球，呢個淨係個presentation已經贏咗，絕對係打卡一流，外型真係好似荔枝，食落去都有蝦嘅味道仲好脆口添，呢個餸真係食得開心嘅。最後忍唔住都係叫咗個酒釀丸子，都係水準之上嘅食物，有份量有味道，我覺得呢間係可以回頭嘅餐廳。