貓貓車仔麵 (已結業)

今日一心嚟食車仔麵，去到門口見到店舖已經易手。但睇見餐牌同上手有八成相似，心諗水準應該同一班人做，水準應該差不多，即管一試。坐低之後同以前一樣，叫咗碗四餸麵+腩汁，結果大失所望：豬腸 ~ 有5-6 舊，基本上每舊都好似橡筋咁，咬都咬唔開。蘿蔔 ~ 有時來貨唔夠甜可以理解，但係竟然個心竟然仲未煮透......魚肉春卷同埋雞翼尖還可以，沒有驚喜。講真如果上手的水準都做唔掂要執笠，呢間的質素都真係危危乎！唯一可取係職員有禮貌。