影片
更多
2024-06-17
95 浏览
今次放假就同咗朋友去荃灣搵泰國嘢食，搵到一間連招牌都係寫泰文嘅餐廳🤩佢嘅裝修風格勁工業風，連出面牆身都爛爛地咁😂不過其實入到去超有feel😍除咗一樓嘅Bar枱之外，佢仲有2樓，就會多啲四人、六人枱，空間都好寬敞。店員好有禮貌，又會主動加水☺️泰玖招牌肉碎生菜包 （小辣） $128肉碎生菜包份量好多，肉碎質地比較黏，唔會好多油/汁，食落冇咁呢hea，一塊生菜包多啲肉都冇問題😆 肉碎嘅味道都好新奇🤩佢既酸味會出啲，反而帶到肉嘅鮮味出嚟，令到肉碎更加惹味，配埋新鮮嘅生菜，真係好match ！佢仲要多咗炸豬皮，好脆有咬口，記得趁熱食☺️泰玖金磚蒜蓉包 $42蒜蓉包嘅造型都好吸引，真係成個金磚咁，比起普通一片蒜蓉包嚟講，呢個金磚六面都有蒜蓉嘅味道，係更加正🫰我哋除咗就咁食，都用佢點咖喱汁，蒜蓉同咖喱嘅味道混埋一齊係超級絕配，建議大家都可以咁食😍😍泰式黃咖喱雞 $98呢個黃咖喱賣相有啲普通，但佢係禾稈冚珍珠🫣黃咖喱香味十足，味道濃郁，但係唔會太辣，有陣陣甜味，雞肉肉質鮮嫩入味大件，其他配菜包括薯仔、洋蔥等等都增加咗佢嘅口感層次，配埋蒜蓉包真係一絕！呢個黃咖喱雞配飯應該都好出色🤤串燒拼盤（雞/牛/豬/雞
泰玖招牌肉碎生菜包 （小辣） $128
肉碎生菜包份量好多，肉碎質地比較黏，唔會好多油/汁，食落冇咁呢hea，一塊生菜包多啲肉都冇問題😆 肉碎嘅味道都好新奇🤩佢既酸味會出啲，反而帶到肉嘅鮮味出嚟，令到肉碎更加惹味，配埋新鮮嘅生菜，真係好match ！佢仲要多咗炸豬皮，好脆有咬口，記得趁熱食☺️
泰玖金磚蒜蓉包 $42
蒜蓉包嘅造型都好吸引，真係成個金磚咁，比起普通一片蒜蓉包嚟講，呢個金磚六面都有蒜蓉嘅味道，係更加正🫰我哋除咗就咁食，都用佢點咖喱汁，蒜蓉同咖喱嘅味道混埋一齊係超級絕配，建議大家都可以咁食😍😍
泰式黃咖喱雞 $98
呢個黃咖喱賣相有啲普通，但佢係禾稈冚珍珠🫣黃咖喱香味十足，味道濃郁，但係唔會太辣，有陣陣甜味，雞肉肉質鮮嫩入味大件，其他配菜包括薯仔、洋蔥等等都增加咗佢嘅口感層次，配埋蒜蓉包真係一絕！呢個黃咖喱雞配飯應該都好出色🤤
串燒拼盤（雞/牛/豬/雞/豬腩/豬肉丸子/牛肉丸子 各一串） $138
呢個串燒都好不得了，首先，燒得好香，肉質嫩滑多汁，我超鍾意佢個沙嗲醬，沾落超級惹味👍🏻 特別係嗰個豬腩肉，有少少膏(唔會令人反感)，再加上肉既厚實，好有口感，加埋一啖咬落去感受到佢啲汁爆開，wow，好正！😚
芒果活性乳酸菌屎樂冰 $68
芒果味好出，加埋益力多嘅味道，係冇得輸嘅🤣 飲品偏向甜，沙冰嘅質地好滑溜，但係食住辣辣地嘅泰國嘢飲沙冰簡直透心涼，消暑一流😆
我見到餐牌仲有做午市套餐，套餐好似都係60幾蚊左右，我覺得CP值更高，如果我晏晝經過荃灣，一定會嚟試！🫶
結論
🫰味道出色，呢個價錢呢個質素都好親民
🫰份量好多，我同朋友都食到超飽！
🎡餐廳資料餐廳名稱：泰玖
餐廳地址：荃灣曹公坊5號地舖
營業時間：星期一至日12:00-16:00 & 18:00-22:00
张贴
