醉胡爐 (已搬遷) 新店位置

早排同女朋友同埋家人一齊去到尖沙咀食晚飯，附近有不同類型嘅餐廳，最咪就揀咗呢間醉蘆。一入到黎呢間餐廳，就覺得呢間餐廳環境非常之好，燈光柔和，服務員的都是非常之有禮貌，我哋叫咗個雞煲，刺身，同埋不同嘅海鮮，食物質素亦都相當新鮮，另外侍應喺每碟上菜嘅時候都會有提醒煮既時間，服務態度唔錯。個雞煲上菜嘅時候，侍應亦會即場落酒去煮，會發出熊熊烈火，最尾煮嘅時間亦都把握得非常之好，非常入味。最咪我哋幾個都食到盡興而歸，價錢亦都算合理，下次有機會會再嚟。