荷華庭園景餐廳 (已結業)

記得之前同老公同埋啲朋友嚟食過一次，今次就同媽咪細佬嚟食，啲回憶出返晒嚟！我哋黎嗰日咁啱落雨，一定要坐室內，本身如果冇落雨坐出面會舒服啲，因為有勁多我鍾意嘅綠色植物揀咗SET LUNCH 有頭盤，主菜配咖啡或茶，我哋食咗呢啲👇🏻-凱撒沙律-蕃茄雜菜湯-周打魚忌廉湯-法式焗田螺（一打）-美國辣肉腸比薩-美國安格斯肉眼扒-墨西哥雞肉芝士餡餅-脆炸德國咸豬手配蜜糖芥末籽汁凱撒沙律頭盤嚟講都算大份，生菜好新鮮，食落幾清新，食咗必食嘅法式焗田螺，每一粒都啖啖肉，好香牛油味，薯蓉又好食。墨西哥雞肉芝士餡餅有八件，入口熱辣辣，好多拉絲添，好足料。Pizza餅底比較薄身，所以好夠脆，辣肉腸配雙重芝士好有口感。鹹豬手切好咗一件件，好容易食，啱晒我地呢啲懶人，豬手皮入口夠脆唔硬，我鍾意點蜜糖芥末籽汁，可以平衡個鹹味，另外個炸薯角都好脆好香口！最後仲有個肉眼扒，大大塊安格斯，雖然熟咗少少，但味道同口感都唔錯，佢哋嘅份量真係大大份，我哋四個人都食唔晒！