環亞機場貴賓室

营业中

休息中

去旅行上機前梗係要上lounge食啲野醫肚仔✈️不過離遠已經見到大排長龍嘅環亞貴賓室入口 有大概25-30人等緊😅好彩人流去得快 等咗15分鐘左右就入到去 真係要預鬆啲時間🫠 ✨️熱食熱食方面 有薯餅 燒賣 腸仔 烚蛋 茄汁豆 然後就無了🫠熱葷 炒菜之類都係無的 種類比較單寡 都係啲一定唔會煮到失敗嘅野食 ✨️主食主食當然有必食嘅即叫即煮魚蛋河 魚蛋都幾彈牙 湯底都係好鮮嘅濃湯🍜不過其餘嘅主食就只有炒銀針粉同烘方包 炒飯意粉通通都無 面包都只有方包提供🍞😅 ✨️沙律/水果沙律區只有4款菜可以選擇 其中一款係車里茄 而佢就係全場唯一一款生果🍅😂 ✨️飲品自助飲品區有啤酒牛奶橙汁同兩款果味水提供 同埋有唔同嘅中西式茶包同即沖咖啡☕️ 總結：雖然貴賓室嘅裝修佈置無咩改變 都係幾闊落舒適🛩有大張嘅木檯 亦有私隱度高嘅獨立座位💺但食物種類真係比covid前少咗好多 真係最低限度咁供應一啲lounge應有嘅食物🫠明白入lounge嘅門檻低咗好多 但以一個國際機場嘅lounge嚟講真係度縮咗少少🤏