茶木‧台式休閒餐廳 (已結業)

好耐冇食茶木啦，從前每次放工時間黎到都要等位，難得今次早放工，所以唔駛等位就入得!旺角分店坐位都幾多，我們安排坐有梳化的位置，座位與座位之間都有一定的空間，唔會太迫。看過餐牌後，點了些新菜式試下。草莓希臘優格特飲，這杯特飲優格部分類似沙冰，所以整杯非常凍冰冰，能夠食到草莓肉，飲落都幾滑同埋有淡淡的草莓味，唔會好甜!西瓜柳丁蘆薈，這杯飲品岩哂炎炎夏日飲，飲品其實是沙冰，有西瓜味和淡淡的橙味，非常清甜，飲完透心涼!黑醋味冧豬軟骨，這個小菜味道酸酸地幾開胃。上菜時會有蠟燭熱住，唔怕會凍左。豬軟骨非常入味而且好淋，軟骨位非常爽口。蚵嗲肉碎泡飯，夏天冇咩胃口，食個湯飯都係一個唔錯的選擇。這裡的蠔仔湯飯，蠔仔幾脹卜卜，湯已經有少少胡椒粉，所以食落有少少辣，湯飯加有冬菜，所以湯飯唔需要再落任何調味，已經好好味!芒果香草蜜糖磚塊，黎得茶木又點可以唔食佢既皇牌甜品，每次食呢個甜品，賣相都好吸睛，用上三塊厚多士做底，最底層有一個大大粒的芒果雪糕球，中間的多士已經幫忙切成粒狀，而且加有蜜糖，非常方便食用。這間餐廳是一個同朋友傾計談天的地方。