鮨千寿 (PopCorn 1)

营业中

休息中

係味野驅使一個封筆八年冇寫食評嘅人重出江湖，執筆寫食評？係好食？係責任？係難食到忍唔住出手呀！疫情下見佢貼左晚餐外賣六折，心思思去買黎食，打開menu,發現就算食飯最平未折都要$128, 響周街日式餐廳晚市$7x就有個套餐外賣的情況下，難怪佢要做六折。因為好掛住塔門海膽炒飯但疫情下無法前往，所以叫左客塔門海膽炒飯，加個紅豆年糕，番到去個海膽飯係好大碗，但完全沒有海膽味，基本上係一個菜都冇多粒的炒飯黎，係會食飽你嘅，但得個飽字囉，折完都要$94蚊，佢原價成$158，塔門海膽炒飯大大碟足料有海膽香先賣$110，真係唔知佢哪來的自信賣咁貴。再黎個紅豆年糕，望落去個樣呃得下人，但一咬，我老人家d牙差點就崩了，成舊野冇味仲勁硬，日本年糕應是煙煙韌韌，但佢就得個硬字，加埋紅豆食都無法令佢成為食得落口嘅甜品，真係去將廣買個廿蚊糖水外賣都好食過佢多多聲。