魚一壽司 (京都廣場)

营业中

休息中

夜晚難得有metime，即興約朋友去食最愛的日本野！呢間餐廳原來係地牢，裝修都幾別墅一格。6點去到竟然已經有幾枱客！有D料到喔。今餐點左好多不同種類的野食，有壽司、天婦羅、牛舌、芝士年糕等等，但就無刺身，因爲刺身不飽肚全部食物質素都不錯，壽司好新鮮，熱食就熱辣辣即整！我最愛都係拖羅拼盤，有大拖、中拖，油脂豐富好鮮甜，令人回味無窮！仲有每次去日式餐廳都會叫的左口魚，呢度都比得大塊，鮮甜無比，一口氣食兩件先。鰻魚薄身少少，但同D醬汁好夾。玻璃蝦脆身鮮甜，希霛魚無腥味。試下新意就叫左芒果三文魚，食完一輪油膩野，食呢個中和下不錯，不過芒果甜D會更好!芝士年糕熱辣辣好好味！食完吾夠喉，呢個可以encore。牛舌都值得一讚👍厚實食落脆口，而且富有牛味。想食天婦羅，見到有軟殼蟹，好似比較少見就叫左。估吾到有驚喜！我鍾意它外脆内軟，炸粉夠薄，口感豐富，呢個好味！買單5百幾，不算貴，食物有質素。食物單價都係合理既。餐廳食物種類都多，另外有丼飯同壽喜燒等等。呢度要讚下職員，好好笑容同服務，值得再訪的餐廳。