金記冰室 (康怡廣場北座) (已結業)

今日同仔去太古學野。一出地鐵見到哩間金記冰室就入左去食個 early dinner. 首先叫左個兒童餐比阿仔，同埋叫左個雜扒鐵板餐比自己。阿仔個兒童餐都幾豐富，有肉醬意粉，炸雞翼，煙肉腸仔一件，炸薯仔三件，牛油粟米，橙汁一杯，朱古力棉花糖數粒。 哩個兒童餐d野都幾arm阿仔口味，佢全部食曬仲話好好味咁話，叫我下次再帶佢來食。我自己個雜扒餐都幾大份，有洋蔥/黑椒/蒜容汁等可以選擇。因為怕太heavy我叫左薯菜走薯仔😂。個經理都幾好人話比西蘭花我👍。牛扒幾好味，有牛味而且咬落去口感唔錯幾淋身，而且都好大件有成個手掌甘大件。雞扒肉質嫩滑，雞扒皮勁香脆我最鍾意。豬扒都唔錯，唔會煎得過火，肉質唔un，味道剛好。除左豬牛雞扒還有腸仔同埋煙肉個一件。 餐茶我就叫左薑檸樂。佢地係用薑絲同可樂一起煲（唔係薑片），抵讚！埋單一百四十蚊左右，食得飽飽，又美味，大滿足！