泰道 (已結業)

去親食泰菜，我食來食去，多數都海南雞飯或者炒金邊粉，唔係就食湯粉。今次試呢間開左幾個月嘅泰菜。感覺似茶記，不過賣泰國嘢食咁。本來入去前想食海南雞飯，但唔知點解又叫左炒金邊粉。因為食得太多店金邊粉，對佢，我有一份執著同要求。整體不過不失，有適當的酸甜度，但唔突出，獲氣唔算好夠，炒落去餸嘅都係齋，好似齋雞，豆干，豆腐料之類，食落無左雞肉鮮味，唔係唔夾嘅，不過唔係預期嘅味道，如你一早話炒齋金邊粉，我感覺又會唔同。份量對一個女士算可以，但我大食少少，覺得真正啱啱好😁我失敗在，無留意原來柚子蜜係特飲，要加$5因為平時幫襯開茶記無加，當熱飲，今次無留意叫左，就加錢了。呢個價錢，合理，味道正常，但唔會令我覺得好味。我會再試埋雞飯，睇下準又如何，值唔值得我keep住幫襯。