Dazzling Cafe (皇室堡) (已結業)

今日同女朋友經過見到呢間cafe, 女朋友話呢間野之前好多人排隊，今日見到唔使排，就諗住入去試下佢既甜品但入場前發現原來佢地有最低消費，我覺得設下最低消費沒有太大問題，保障餐廳利益都好合理，但他們不是設人均消費額，而是設下每位需要order一杯飲品就有點不可理喻，因為其實我地黎只係想試下甜品，唔係好想飲野，咁樣被逼要叫飲品真係有些少無奈雖然如此，我地都係決定入去試一試！睇睇呢間名店有咩咁巴閉我叫左一杯焦糖芒果沙冰，賣相都幾靚但老實講，都幾難飲首先完全飲唔到焦糖嘅味道...其次，一飲落去就知係用化學芒果汁整出黎...呢杯野仲環賣50蚊....真係得啖笑賣相：4分/5分味道：1分/5分份量：3分/5分不過重點係後面我地叫左榛果吐司 這個吐司就真係好食了味道好好，賣相又靚，份量都足夠兩個人食，我本對甜野唔係太大興趣，但都對呢個吐司好滿意。賣相：4分/5分味道：4分/5分份量：5分/5分總括嚟講，呢間cafe都還算可以，環境都幾舒適，如果好似今日咁唔使排隊都可以一試，但我建議店主可以改一改最低消費策略，限一個消費額會比較合理，無謂逼人飲野啦，可能仲會嚇走左一D一心只想食甜品既客人呀