魚一壽司 (教育路)

营业中

休息中

魚一不嬲係元朗好出名嘅壽司舖，有人直頭攞佢同壽司郎比較。星期日時間，等咗一陣間就順利入坐。鋪頭都幾大，分兩層，我哋兩個人安排坐二樓。刺身質素幾高，我特別鍾意食佢嘅貝類，爽口鮮甜，老婆就鍾意食蝦，佢話隻蝦又甜又大隻。我哋仲貪得意叫咗個水母刺身，不過原來個質感係硬身嘅，當係獵奇都幾得意。壽司嚟講，我覺得個火炙三文魚真係好正，火槍燒到魚皮邊位好濃嘅三文魚香，配埋醬汁同埋蔥碎，係個口到融合起來，齒頰留香。鵝肝壽司就好典型，好食，好濃郁嘅鵝肝香味，真係肥到爆炸。牛壽司就好普通，冇乜記憶點。拖羅反而質素比較差，即使食中拖羅，都食到有少少筋，比較失望，赤身都係普普通通。食日本嘢，我最鍾意食茶碗蒸，不過呢碗茶碗蒸就真係冇乜記憶點，普通到不能再普通。整體而言，唔算係非常之好食嘅日本菜，不過喺元朗區算係咁啦。