我愛慢煮 (普慶坊) (已結業)

呢間黃店係上環半山區，位置比較隱蔽，不過入面空間頗大，分開兩層，樓上仲有大大個連豬馬賽克痴係幅牆度。呢度主打慢煮菜式，服務係半自助，要自己出去攞餐具、水同調味料，調味料有唔少款式可以配搭唔同肉類，好似鹽、黑胡椒、黃芥末、tabasco等。不過今次我地叫左兩個主菜，都係冇配菜，只有肉，唔另外叫配菜係絕對唔夠飽，如果主菜可以有返d配菜就會抵食d。法式油封鴨髀呢度嘅油封鴨髀味道唔錯，有少許鹹香，厚肉唔鞋，有少少似食緊鹽焗雞髀同臘鴨髀既混合體，食呢d就唔好理儀態，要用手撕嚟食先食得晒連骨嘅肉絲，不過都係果句，無連配菜，就咁食就會有d單調同唔夠飽。法式豬鞍架呢個豬鞍架上菜嘅時候已經非常香，一開始望落去感覺佢係厚實得黎有啲偏瘦，不過食落去又唔算鞋，仲保留左幾多肉汁。芝士忌廉菠菜苗呢度嘅主菜係無配菜既，配菜要另外叫，我哋就叫咗呢個芝士忌廉菠菜，忌廉汁份量好多而且好香，同菠菜好夾，面頭有唔少芝士，不過菠菜份量只有薄薄一層，如果多d就抵食啲喇。人均消費：$150推介指數（10分為滿分）：7分