譚仔雲南米線 (偉華中心)

今日同女朋友去沙田行左一陣見肚餓....而女朋友又成日提住要食米線 於是就帶左佢去譚仔啦
去到門口真係有d嚇親.....真係好鬼多人等 不過都唔係等得好辛苦 事關有位坐

一入到去 又迫又多人 d侍應又少 等左一陣先有人幫我地落單
d台面好鬼濕.....仲有之前食客既吐物係到好難接受囉

食物方面:
土匪雞翼(大) 得5隻咁大把 雞翼唔算大隻 都幾香口 夠多汁 幾好食
炸將酸辣湯米線 酸辣湯底 真係好正 米線煮得剛剛好 另上既炸將....不值一提 超級多油
牛丸楠肉清湯米線 清湯....得個咸字 牛丸d味唔似牛丸 似豬肉丸多d 楠肉都ok