更多
2021-07-19
801 浏览
之前系Openrice做功课,已经见到好多人都话呢间新加坡小店抵食又好味,而家仲有软壳蟹火山包,见到好多食客都赞不绝口,加上自己系面包爱好者,所以餐厅已经系我脑海留下深深既烙印😆。不过,当日同友人商讨后,最终点左好抵食既二人餐,内有两款小食、一个沙律、两个主食、两杯特饮,咁多野都唔过$200,如果唔试佢,真系同自己银包过唔去😅。特饮先打响头阵,冻红豆薏米水、冻美禄恐龙(+$2)前者唔系好甜,饮落好有豆香;后者太甜。小食拣左马铃薯炸虾卷、沙嗲牛肉串前者唔系新鲜炸,虾亦比较细,一般;后者烧得比较干身,沙嗲酱几咸,都系一般。蕃茄酸辣凤爪沙律呢个沙律比想像中多,沙律菜新鲜,捞埋个酸甜汁好好味,凤爪就麻麻地,唔系好入味。海鲜喇沙掺掺呢个掺掺材料好丰富,虾、鱼片、蚬、豆卜、芽菜,面底都唔少。汤底偏椰味,细味品尝会食得出海鲜味,个人觉得喇沙唔够香,同埋可以咸番少少。咖哩牛腩拼炸鸡椰浆饭本身睇餐牌图片系白色既饭,点知上枱果阵系蓝色饭,友人即刻比佢吓亲😂,因为佢只中意食白饭...好彩呢个蓝饭食落同普通饭无乜分别,无乜椰浆味。咖哩牛腩分量唔少,而且件件都系肉多过肥膏,咖哩香浓惹味,唔错。炸鸡类似唐扬炸鸡,
特饮先打响头阵,冻红豆薏米水、冻美禄恐龙(+$2)
前者唔系好甜,饮落好有豆香;后者太甜。
小食拣左马铃薯炸虾卷、沙嗲牛肉串
前者唔系新鲜炸,虾亦比较细,一般;
后者烧得比较干身,沙嗲酱几咸,都系一般。
蕃茄酸辣凤爪沙律
呢个沙律比想像中多,沙律菜新鲜,捞埋个酸甜汁好好味,凤爪就麻麻地,唔系好入味。
海鲜喇沙掺掺
呢个掺掺材料好丰富,虾、鱼片、蚬、豆卜、芽菜,面底都唔少。汤底偏椰味,细味品尝会食得出海鲜味,个人觉得喇沙唔够香,同埋可以咸番少少。
咖哩牛腩拼炸鸡椰浆饭
本身睇餐牌图片系白色既饭,点知上枱果阵系蓝色饭,友人即刻比佢吓亲😂,因为佢只中意食白饭...好彩呢个蓝饭食落同普通饭无乜分别,无乜椰浆味。
咖哩牛腩分量唔少,而且件件都系肉多过肥膏,咖哩香浓惹味,唔错。
炸鸡类似唐扬炸鸡,炸粉好薄,唔界口,鸡肉几滑,佢隔离个辣酱系重点,香辣惹味,令炸鸡味道升华😃。
个人觉得整体味道一般,胜在价钱吸引,人均$110就食到咁丰富既星马菜。
张贴