燒肉LIKE (家樂坊)

营业中

休息中

8：30pm前喺app攞飛，特登超遠走到旺角食呢間燒肉，8：50pm去到啱啱到我地張枱，然後職員話冇位，我地齊齊吓左聲，冇位俾人食嘢又俾人攞飛？個眼睛阿姐話：總之我而家話畀你知，我哋九點就截單！我哋見仲有10分鐘，就搏一搏等下，55分有人走就入得。我哋趕頭趕命落單，因為阿姐話九點正就截單，點知去到落單嗰下先知道要即刻手機畀埋錢，點支付款失敗，嗰陣已經8點59分，我男朋友好緊張咁問另一個職員係咪九點鐘就冇得落單，個職員答：咁又唔係嘅...我當堂o左嘴，之後仲有一對情侶喺我哋後面入座，嗰陣已經9：02pm,又話九點截單？截咗單仲畀人入座？即係擺明職員唔想畀你入，嚇你想你走，感覺非常差，服務非常差，味道好一般，絕對絕對唔會再來！