東京築地拉麵 (已結業)

天水圍到依家都仲未有一間有水準既拉麵，唯有侷住試下連鎖企業既。服務差到痺，雖然眼見有空位但又唔俾入住，又唔俾等位飛，職員既指示完全不清不楚，得閒就理下你，唔得閒就視而不見menu好皱，拉麵款式唔多。勇於試新野既我點左綠魅拉麵，有濃郁既菠菜味湯底，青草味重，唔係難食但亦唔覺好味，豬肉片本身無味，成碗麵最好食可算係果半隻溫泉蛋。另一碗黑鬼濃厚豬骨湯叉燒拉麵，豬骨湯底上淋左一層黑芝麻油，味精味重，但薄叉燒片唔會韌，係ok既。最令我不滿其服務既仲有一樣，拉麵上檯，叫佢俾支匙羹啫，職員話無喎what？一間食店連匙羹都無？但轉個頭又拎左過黎喎就算無都唔緊要，態度極差，但又要收服務費喎，勁不滿囉