翡翠拉麵小籠包 (已結業)

看了一本飲食雜誌後，突然餃子引起，附近無乜餐廳可選，到了翡翠試一試。看完menu，點了擔擔麵，鍋貼同蔥油餠，起初還擔心不夠吃，原來份量幾大。四川擔擔拉麵，勁濃嘅花生醬底，微辣，仲有少少蔥花同肉碎，拉麵韌有麵香，撈均食好好味，差啲想飲哂啲湯。 煎鮮肉鍋貼，肉嫩，好熱同好多汁，一咬落去漏哂出黎，加埋醋同薑絲一流。 百步香蔥油餅，好香蔥味，少少鹹，千層嘅酥皮餅包住蔥花餡，好脆口。被我一個人ko了兩個，哈哈。 有一個男侍應好好禮貌同不斷幫手斟水同收碟，其他啲女侍應則視而不見，落單覆單飛快，問多句都即刻行開，服務真係天淵之別……除此之外，其他方面都可接受。 見隔離枱嘅小籠包同酸辣湯好正咁，有機會再黎試下。