OPPA韓國燒肉店 (已結業)

今日去咗大埔同女朋友行山 行到好攰 又好熱 最啱就係食番啲高脂肪重口味嘅美食嚟醫肚喇 同女朋友喺開飯網嗰度搵咗好耐 見到呢間燒肉店 食材好新鮮 而且用料非常之上乘 最重要就係價錢夠大眾化 二話不說就一於入去試下啦我哋呢個套餐首先有一個牛肉嘅頭盤 擺蝶非常之有創意 因為個盤係用牛嘅形狀 而且牛肉擺喺佢哋特定部位嘅位置上面 非常之有諗頭 值得一讚 呢個拼盤入面有好多品種嘅牛肉 包括有汁嘅加拿大牛小排同埋黑毛和牛三角腩等等 個人推薦黑毛和牛三角腩 非常之正 因為油脂好甘香 而且入口即溶 牛肉味亦都好濃郁 之後就到自己加叫嘅環節 每一種牛肉都有自己獨特嘅口味同埋香味 質素亦都非常之高 但係正如剛才所講 個人非常之推薦呢個黑毛和牛三角腩同埋鹿兒島牛柳粒 牛肉味重又有肉脂甘香 係牛肉之中嘅表表者之後就到串燒時間 呢個串燒有雞肉 雞皮 牛肉同埋豬肉 都食到佢原有既味道 唔似出面有啲餐廳咁樣 只係食到沙嗲或者咖哩嘅味道比起牛肉 呢個海鮮拼盤嘅味道同埋用料相對普通 冇乜特別