今日黎到海底撈宴聚店，比平時嘅海底撈分店更加闊落寬敞，坐得更加舒服！
鍋底方面，我叫咗清油麻辣鍋同清水鍋。因為怕麻辣鍋越食越辣就可以過一過水🤣
清油麻辣鍋底香氣濃郁，越煮越入味！
🌟手切雪花牛肉
涮8-10秒即可進食，紋理均勻豐富，油花分布細緻，脂肪較多，牛肉味香濃！
🌟撈派滑牛肉
牛肉色澤鮮紅通透，肉質薄滑嫩，入口即化！
🌟雙拼千層肚
賣相好靚，千層肚層次分明，口感脆嫩，完全可以吸收晒麻辣鍋底既湯汁！
🌟撈派鵝腸
鵝腸質感爽脆，入口帶嚼勁，食火鍋必點之一，而且沒有腥味！
🌟豆腐皮，油麥菜苗
豆腐皮豆香濃郁
豆腐皮同油麥菜份量都好多
呢兩樣都係食火鍋必備佳品😍
🌟現炸酥肉
酥肉外脆香口，內裏滑嫩，點上蕃茄醬或者辣椒粉更具風味！
🌟茅根竹蔗馬蹄水
食一個咁熱氣嘅邊爐一定要飲返一個涼茶下吓火！ 馬蹄水都幾清甜，可以解辣！
呢一餐食得好滿足，無論食材，環境定係服務，都屬於高水準！下次同朋友嘅聚會一定會再嚟呢度食多次阿😍
