翡翠拉麵小籠包

营业中

休息中

我家中兩老都比較鐘意食中菜，咁啱見到翡翠拉麵小籠包而家有個#滋味牛肝菌四人套餐，而我又好鐘意去食小籠包，所以就帶左兩老到旺角MOKO廣場內{翡翠拉麵小籠包}食飯啦。。。。。。前菜:自選三式拼盤我就揀左鎮江餚肉、四喜烤麩及醉豬手，四喜烤麩係我最愛的前菜，所以如果餐廳有呢味餸我必定會叫的，翡翠拉麵小籠包做得非常好食，味道好入味，其他都做得好美味。四川口水雞味道有別平常食到的口水雞，食到有落鎮江醋味道，好特別。點心：牛肝菌小籠包佢做得皮薄餡靚，一咬落口湯汁爆係口中，食落每啖都有好香肝菌味道。小菜：清炒河蝦仁蝦仁爽口及好清甜，簡單調味更能帶出蝦仁鮮甜味。牛肝菌炒雞柳牛肝菌味道好香及味道好可口。宮保雞丁味道香辣野味，配飯一流湯:酸辣湯及宋嫂魚羹咁我地就兩款湯品都有點，我自己就好鐘意宋嫂魚羹味道，味道清甜。甜品:豆沙鍋餅豆沙甜度做得啱啱好，唔會太甜，而餅皮同豆沙比例恰到好處。