甜牙牙

营业中

休息中

疫情真係好令人困惑，常留在家間中都要出外找一點甜，所以就同朋友出旺角廣華街附近的「甜牙牙」食甜品開心一下。嚟到甜牙牙第一時間就點了「 抹茶窩夫配雪糕」，好掛住窩夫，所以必點嚟食。因窩夫是即叫即製，需耐心等候，等了10分鐘左右就上抬，滿滿的紅豆及又大又圓的抹茶雪糕，單看已吸引。味道方面，窩夫有抹茶味及蛋香，質地鬆軟，配上雪糕更添抹茶香，而紅豆又不太甜，非常好味。另一推薦「芒果涼粉」，份量為一半涼粉加一半芒果肉及芒果汁，芒果汁帶冰，入口不會太凍，芒果剛好熟透及甜香，涼粉爽口，食完真係透心涼快。