博多拉麵 (已結業)

2月16日, 初三赤口, 呃咗呀比入沙田陪我行街街~ 山長水遠去到新城市廣場已經好餓好餓… 今日好想食拉麵, 見呢間博多拉麵無乜人等位就走咗入去…::: 咖哩吉列豬扒拉麵定食 ::: $50可選一款小食同餐飲. 我揀咗八爪魚丸~ 兩小粒, 唔熱的. 味道都還可以~ 係粉團咗dd…黎到吉列豬扒咖哩拉麵, 豬扒亦只是微暖, 都算炸得脆, 不過都幾乾, 更加談不上係嫩! 不過浸下個咖哩湯食都ok wor~ 至於拉麵, 唔算煙韌彈牙, 但又未係好淋嘅… 好彩有個咖哩湯吊一吊味, 分散咗我嘅味覺~ 不過個咖哩湯其實都稀稀地, 同埋好重味精味…餐飲要了凍檸茶~ d檸檬無乜味…::: 吉列豬扒拉麵定食 ::: $48另外一款小食要咗壽司兩件, 救命超級酸飯! D飯淨係食到酸醋味, 魷魚同熟蝦同樣乾爭爭… 好難食… 如果專心做拉麵嘅好心就唔好搞咁多野…吉列豬扒同樣都係好乾, 又冇沙律醬嗰d野點. 拉麵豬骨湯底完全好似即食麵湯底, 唔合格…要咗一杯熱檸茶係因為環境太凍, 茶味好澀…位於food court樓層, 隔離就係落地大玻璃, 環境非常光猛! 有如此環境伴食, 理應食得人心曠神怡… 但呀比都食到好