越一越南牛肉粉專門店

附近有一間食開嘅越南餐廳，係好好味。平時見哩間都多人排，所以就諗住試吓，點知中伏了。

生牛肉湯河

$45

第一碗係生牛肉湯河，聲稱係無味精，但一飲啖湯就知道呃人。個湯勁咸，好多味精，而且完全無牛河平時嘅鮮甜味，食完要狂飲水。湯係一碗麵嘅靈魂，所以哩碗真係好差。

咖喱牛腩煲配法包

$78

另一款係咖喱牛腩煲配法包。個咖喱又係令人失望，係港式咖喱嘅味道，而且咖喱香味欠奉，又係得個咸字。牛腩炆得唔夠淋。蒜蓉包好彩係正常。

豬頸肉木瓜沙律

$52

最後一道係豬頸肉木瓜沙律，全晚最正常嘅一碟。豬頸肉燒得幾好，好香脆，調味啱啱好。木瓜味道就普通，始終唔係當造季節，唔可以要求太多。哩間一定無下次。