清玉 (已結業)

本身好少写食评，但今次真心希望清玉可以改善，所以想讲下最近帮衬后嘅感想。以前一直都几钟意饮清玉，一嚟欣赏佢有表态，二嚟觉得佢俾料唔孤寒，茶味突出，但最近几次嘅表现真系令人失望。早排买过铁观音珍珠奶茶，已经觉得无乜茶味奶味，味道过淡。琴日买𠮶杯轻盈百香果更加唔掂，杯嘢一睇落去已经明显比以前淡色，饮落去仲要好似水咁淡味。即使以前都同样有调整冰度同甜度，都唔会质感似水同埋淡味得咁过分。而两位年轻男店员喺落单嘅时候依然继续倾计，落单时讲嘢又唔太清楚，搞到我唔知落单𠮶位哥哥究竟系同紧我讲嘢定同紧隔离位店员讲嘢。(同埋俾完钱之后无出单，亦都无喺杯嘢饮上面贴翻label，如果系为环保而略过呢啲工序，我都会支持，但如果呢个系店舖下单时一向须要贯彻嘅程序，我就有啲疑惑，点解只有今次无俾单同label)唔知味道变淡变水系全线店舖都有嘅问题定只系个别员工冲调上嘅问题，但希望清玉都可以回复翻以前嘅水平。