影片
更多
2020-06-25
4464 浏览
由于小弟都几钟意去旅行，穷游见识吓呢个世界，所以，有储开飞行里数嘅习惯，但就绝对唔会为储里数去刻意消费。不过，有啲推广优惠，而计落好有数嘅，就会考虑吓。最近，「Asia Miles x OpenRice」推出个「里赏餐飨周」，除Openrice本身订座系统有里数奖，享用指定精选餐单又有额外100里，跟手用埋「运通国泰航空尊尚信用卡」埋单再送500里，咁碌呢张卡本身都有里数。晌咁多餐厅中，拣咗主打英国菜嘅「Bricklane Gallery」，一来喺未试过，二来见佢啲风评唔错，仲有个重点喺起表消费唔高嘛。可能做紧个推广关系，星期六嘅午餐时段，唔订座喺无位嘅，排我前面几位都喺订咗个推广餐，甚至后嚟侧边嘅客都喺因为个推广而嚟。相信大家都计过数，真喺比平常消费储里数多几倍。铺面，有啲户外位，伴有好多植物，衬以小木椅，有种渡假感，但烈日当空，时值又正午，绝对唔会感到太舒服。室内环境又点？感觉有啲英伦复古风，木地板、高身吧位、梳化位……都显得型格，昏暗嘅灯光，甚有气氛。不过，枱与枱之间非常之密，枱上所插嘅胶档对防疫都好有限。而最大问题，喺厨房门大开，室内嘅抽风都一般，虽然，无话弥漫一片油烟，但绝对
可能做紧个推广关系，星期六嘅午餐时段，唔订座喺无位嘅，排我前面几位都喺订咗个推广餐，甚至后嚟侧边嘅客都喺因为个推广而嚟。相信大家都计过数，真喺比平常消费储里数多几倍。铺面，有啲户外位，伴有好多植物，衬以小木椅，有种渡假感，但烈日当空，时值又正午，绝对唔会感到太舒服。
室内环境又点？感觉有啲英伦复古风，木地板、高身吧位、梳化位……都显得型格，昏暗嘅灯光，甚有气氛。不过，枱与枱之间非常之密，枱上所插嘅胶档对防疫都好有限。而最大问题，喺厨房门大开，室内嘅抽风都一般，虽然，无话弥漫一片油烟，但绝对感到𠮶阵油烟味。老婆亦话坐到中段，双眼都感到有啲涩。
虽然，餐厅嘅名物喺Egg Benedict、All Day Breakfast，但今次到访纯粹喺试佢哋联乘嘅精选套餐。佢哋一向都有供应午餐，但今次嘅精选套餐睇落确喺几抵，包餐汤、前菜（沙律或烤百吉包）、主菜（3拣1）、甜点及餐饮，定价都喺$168 +10%。
每日汤之选是日餐汤喺周打蚬汤，伴上意大利香草包（喺小弟颇为喜爱嘅包款之一）。个汤质感浓稠，而且，用料十足，汤内有唔少蚬肉；而个香草包软绵，甚有香草香。老实讲，单喺呢个组合，已经可以好饱肚，所以，打后嘅主菜，老婆只食到半份，剩低𠮶啲由小弟包底。
每日汤之选
145 浏览
0 赞好
0 留言
烤鸡肉凯撤沙律喺精装版嘅凯撒沙律，但其实啲罗马生菜已经沾咗酱汁，其他基本元素，如烟肉碎、烘面包粒，梗唔少得。咪睇外表平平凡凡，味道确喺唔错，生菜好爽脆，烤鸡肉切成粒，方便入口，兼且肉质都算嫩口。
烤鸡肉凯撤沙律
60 浏览
0 赞好
0 留言
烟三文鱼牛油果烤包面包选取百吉包，轻轻烘过嚟，涂上牛油果蓉，再铺上烟三文鱼，食味咸香清爽。但实情唔止咁，烟三文鱼下，仲混入青瓜粒、紫洋葱、蕃茄粒、火箭菜，味道及口感都变得多元化。一客仲有成3件，若以一个人嘅套餐而言份量可不少喔！
烟三文鱼牛油果烤包
78 浏览
0 赞好
0 留言
香煎纽西兰肉眼虽然无注明肉眼重量，睇落应有10安以上，绝无将货就价之感。一大件肉眼，选上五分熟，除伴有好多薯菜：炸新薯、烤青瓜、烤意大利黄瓜……等等，以及一小件传统嘅约克郡布甸，感觉够晒大堆头，啱晒嗜肉嘅朋友。
啲纽西兰肉眼确喺有质素，肉味浓郁，煎得外层有阵阵焦脆，内里恰到好处，唔会太生见血，肉汁丰盈。要挑剔嘅喺，稍稍多咗啲筋位。
香煎鲈鱼老婆就拣鲈鱼，餐牌就咁写住香煎鲈鱼，有咩伴菜嚟到先知，但单喺卖相亦有啲惊喜。整件鲈鱼柳非常大件，冚晒成只碟咁滞，煎得金黄，未食都感受到𠮶香脆感。果然，鲈鱼入口外层极为香脆，无半点油腻，而且，肉质嫩滑细致，喺具质素嘅食材。
香煎鲈鱼
39 浏览
0 赞好
0 留言
伴菜方面，咪以为得面头炷菜，原来下面有蕃薯蓉，打得软滑香甜，极浓嘅蕃薯味，老婆大赞好食。
朱古力雪糕套餐有两款甜品供选择，我哋两个人就自不然拣晒两款，可惜，落单时已话无晒「红丝绒蛋榚」（咁早就无？），只以普通嘅朱古力雪糕代替（我见佢门口嘅冻柜摆放有其他蛋糕）。虽然，唔知雪糕喺咩品牌，但食落都觉得唔喺啲平价嘢，朱古力味香浓，质感挺身且富奶香。
特浓朱古力蛋糕另一款喺指定嘅特浓朱古力蛋糕，卖相颇为精致，一层间一层，做法花咗多点时间。食落似美式蛋糕嘅「布朗尼」，不过，加入软朱古力浆层，所以，入口朱古力味超浓郁，而口感挺实。
特浓朱古力蛋糕
27 浏览
0 赞好
0 留言
呢杯热朱古力喺店家嘅招牌，不过，老婆话早知连甜品都转埋朱古力雪糕，仲要额外加$20，加上食到咁饱，就宁愿点番普通热茶。但喺，佢都赞杯朱古力好似，香浓幼滑，加埋拉咗花，又伴咗一串绵花糖，更要加佢分啦。
香橙拿铁 +$20拿铁一向喺小弟心水，而香橙拿铁唔喺咁经常见，所以，更要试试。杯拿铁唔喺就咗唧啲香橙糖浆，而喺加片香橙干，卖相自然更好睇。佢哋啲餐饮宁舍大杯，伴甜点可以慢慢叹。而杯拿铁冲得颇香醇，带微微橙香，口感均匀。
香橙拿铁
45 浏览
0 赞好
0 留言
张贴
