僕之拉麵 (已結業)

宜家疫情好嚴重，收工見到哩間拉麵店唔錯，咁試試外賣。哩間拉麵店裝修都幾有特色，好濃啲日本風，仲擺咗好多好得意啲日本公仔，影幾張靚相先。拉麵選擇唔算多，有7-8款，咁唔洗唸太耐，都幾好。今次揀咗A特選拉麵同D叉燒拉麵，濃湯同清湯湯底都揀咗，可以一次過試嗮2種湯底，唔錯。特選拉麵配料好豐富，有叉燒，炙叉燒，紫菜，蔥，筍同味付雞蛋。面好勁道，喺硬少少果款，好中意。清湯揀咗醬油味，好清爽，同面好夾。叉燒有5-6件，好大一件，食極都食唔嗮。炙叉燒真喺少見，第一次食好得意。豚肉有少少火炙味道，唔會覺得好肥膩，送面一流。最驚喜喺味付雞蛋，食落好幼滑，入口即化。蛋黃喺紅色嘅，睇落就知用咗日本雞蛋，真喺落足料喎。叉燒拉麵配咗濃湯湯底，又喺唔同感覺。湯底好濃郁，喺落足料黎煲湯，飲落好清甜。2倍叉燒唔喺講笑，真喺幾多吓，食落好滿足。求其搵咗一間拉麵店都更有水準，真喺唔錯，下次一定要encore！