鳴門割烹料理 (已結業)

今日行完megabox過咗嚟呢度食自助放題😍朋友之前係呢度返工話食過，食物夠高質有水準，比大型放題餐廳質素更好，今日食過之後果然唔錯👍🏻地方環境坐得舒服，又有日本歌播，夠哂氣氛💓我哋主食一個食左鍋燒牛柳粒目玉丼，牛柳粒好嫩滑有汁，好味！蒲燒鰻魚丼鰻魚夠肥美，鰻魚汁甜甜地😊送上左兩隻譏煮鮑魚，彈牙有鮮味😳好正呀！其他任食有壽司、刺身、串燒、炸物、小食等，雖然款式唔算多，但都齊全，而且全部都好高質！而且食得出係師傅即場整，因為啲壽司紫菜仲係好脆！刺身好厚切又新鮮，師傅一啲都無偷工減料👍🏻特別推薦油甘魚同劍魚腩刺身，帶子都唔錯😏壽司🍣啲飯少少，唔會夾硬整飽你，赤蝦同蟹子壽司可以再encore!!!!其他三文魚，北寄貝同劍魚腩都好鬼正🫣串燒一定要食免治雞肉串同雞軟骨，新鮮熱辣辣上枱，個免治雞肉串入面仲有軟骨，好正🫡炸物就要推薦個芝士年糕同芝麻雞翼，芝士年糕有拉絲，而芝麻雞翼炸得一啲都唔乾，入邊啲雞肉仲係好滑同埋好多汁👏🏻呢餐真係好好味呀🥰🥰🥰