普慶餐廳

营业中

休息中

呢個禮拜我生日呀，咁就決定同老婆仔食自助早餐，呢到都要好早book呀，要早大約兩三個星期呢先book到今日呢個位呀 。入到你覺得個裝修都幾靚嘅有啲民宿嘅感覺 ，入到餐廳呢就覺得都幾有特色嘅，有懷舊式嘅香港感覺。今日都唔算爆嘅，咁我哋就食九點至十點呢一場 ，價錢就128加一，其實食個all day breakfast個價都幾抵玩。早餐嚟講其實都算多選擇嘅，沙律走唔甩啦煙三文魚呀火腿呀呢啲都有嘅 熟食有spoiled旦呀太陽蛋呀腸呀，仲有湯粉可以自己夾啲丸仔呀菜呀叫佢哋幫手煮咁。仲有點心啦，有牛肉燒賣同埋做菜餃叉燒包。 麵包類都幾多嘅，白包，方包提子酥，muffin，雞蛋仔等等。飲品就要另外叫嘅咁我哋嗌咗咖啡同奶茶，都唔錯，自助嗰啲有維他奶啦，呢個懷舊嘅樽裝維他奶。 整體嚟講都抵食嘅呢個價錢食到咁多嘢係好值得再嚟食嘅。